Шардара ауданы әкімдігінің ресми сайты

Қазақтың бетке ұстары Ермахан ага жайында толығырақ білгіңіз келсе, осы бетті оқыңыз.Ол кісі әртүрлі номинациялардың жеңімпазы екенін біреу білсе, біреу білмес. Ұлы Абай атамыздың “Еңбек етсең, емерсiң”,– деген сөзi Ермахан Боранбайұлына арнап айтылғандай, сiрә... Бар ынта жiгерiмен, ақыл-парасатымен, өзiнiң шеберлiк қасиетiмен ерекшеленген Ермахан Әлiмбеков жайында сыр шертер болсақ, ол кiсi 1965 жылы шағалалы Шардара қаласының төрiнде дүниеге келiптi. Мектеп табалдырығын Қоссейiт ауылында аттап, Ш.Уалиханов атындағы орта мектептен тәмамдайды. Одан кейiн әрбiр қазақ азаматының парызы– азаматтық борышын өтеуге әскерге аттанады. Қиын-қыстау кездерде барлық қиыншылыққа төтеп берiп, дәнекерлеушiлiк мамандығына құлшынысы осында арта бастайды.

Биылғы қоян жылғы көктемнiң қолайсыздау, жауынды-шашынды болғандығына қарамастан шардаралық шаруалар жылды толайым табыстармен, зор жетiстiктермен қорытындылап отыр. Төккен тер, еткен еңбек зая кеткен жоқ. Тоғыз айдың көрсеткiштерi бойынша ауданымыз облыстық рейтингте бiрiншi орынға шықты.

Аудан аумағында шаруалар өндiрген өнiмдердi өңдейтiн қант зауыты, күрiш зауыты, май-жем комбинаты секiлдi өндiрiс орындары ашылды. Ауылдық округтерде көкөнiс сақтау қоймалары салынды. Мал басын асылдандыру жұмыстары жолға қойылды. Арық-атыз, каналдарды тазалаудың нәтижесiнде суармалы егiстiк көлемi артты. Өнiмдiлiк те жыл сайын артып келедi. Осындай жетiстiктердi жiктеп, табыстарды таразылап алу мақсатында таяуда аудан еңбеккерлерiнiң “Алтын күз–2011” қорытынды жиыны болып өттi. Тәуелсiздiгiмiздiң 20 жылдық мерекесiмен тұспа-тұс тойланған мерекелiк жиынға аудан басшылары, ауыл әкiмдерi, мекеме, кәсiпорын басшылары мен кәсiпкерлер, еңбек ардагерлерi қатысты.

Газетiмiздiң фототiлшiсi Оңласын Төлегенов үнемi iс сапарда болып, ауылдарды, еңбек ұжымдарын жиi аралап, халықпен жиi кездесетiн жiгiт қой. Осы жуырда ғана қасында бейтаныс бiр кiсi бар, кабинетке қашанғы әдетiнше даурыға сөйлеп, аңқылдап кiрiп келдi.

– Тағы бiр нағыз кәсiпкердi алып келдiм, жазуға әбден лайық,–дедi ол,–облыстық мерекеде бақшадан чемпион атағын алды. Аты Садық, – мiне, мына кiсi... Айтып отырған мерекесi, шаруашылық жылының қорытындысына орай, облыста жыл сайын жәрмеңкемен қатар өткiзетiн ауылшаруашылығы қызметкерлерiнiң дәстүрлi күнi. Биыл бiздiң ауданымыздан егiншiлiк саласы бойынша екi кәсiпкердiң чемпион атанғанынан хабардар едiк. Бiрi жыл сайын жүлделi орыннан көрiнiп келе жатқан, есiмi елге белгiлi А.Әдiлбеков едi де, екiншiсi шынында бейтаныс болатын. Оңласынның ертiп келгенi өзiмiз де естiгеннен кездесудi ойға түйiп, орайын күтiп жүрген нақ сол чемпионымыз болып шықты. Сөзi мен әр мәнерiнен, мақсатына жетпей қайтпайтын, батыл шешiмнiң, үлкен жiгер мен iстiң адамы екенiн аңғару да қиын емес.

Иман – адам жанының айнасы. Ал иманды болмақ – жанның тазалығынан, адамгершiлiк қасиеттердiң даралығынан туындайтын iзгiлiк. Екi аяқты пенде атаулыны осындай iзгiлiкке, биiк парасатқа, дiнге деген түсiнiктiң дұрыс қалыптасуына ықпал ететiн орын әрине – мешiт екендiгi де даусыз. “Мешiт – Алланың жердегi үйi” дейдi қасиеттi хадистiң өзiнде де. Осындай орындардың көптеп бой көтергенiне көңiл қуанады, жан жадырайды. Таяуда Көксу ауылдық округiне қарасты Сырдария ауылында заманауи үлгiде салынған зәулiм мешiт бой көтерiп, халық игiлiгi үшiн пайдалануға берiлдi. Бұл мешiт ауданымызда биыл пайдалануға берiлген үшiншi, республика көлемiндегi 828-шi мешiт. Келешекте имандылық мекенiне айналатын мешiттiң салтанатты ашылуына аудан басшылары, Қазақстан мұсылмандары дiни басқармасының өкiлдерi, алыс-жақын аудандардан келген арнайы қонақтар, ауыл тұрғындары қатысты.